Компанијата Сони на 22 јануари во Барселона, го претстави најтенкиот таблет на светот Xperia Z, кој е широк само 0,27 инчи (6,9 милиметри)...
Таблетот Xperia Z, според карактеристиките, е за 0,01 инч потенок од iPad Mini на Ејпл, иако има поголем екран од 10,1 инча. И овој производ на компанијата Сони работи на оперативниот систем Андроид.
Освен истакнувањата за тоа дека е најтенок таблет на светот, компанијата Сони се пофали и со податокот дека Xperia Z е и најлесен таблет со оглед на својата големина - 495 грама. До сега тој рекорд го држеше Тошиба со таблетот Excite 10 LE
Овој таблет е отпорен на вода и прашина и е со слична додатна пластична заштита каква што порано беше претставена со истоимениот модел на смартфон.
"Успехот на овој таблет најмногу ќе зависи од тоа колку ќе му биде цената како и од тоа дали компанијата Сони за него ќе обезбеди содржини од својата палета на музички, филмски и програми за видео игри", смета Дејвид Меквин, аналитичар од компанијата „Informa Telecoms and Media”.
Во Барселона од 25 до 28 ќе се одржи Светскиот конгрес на мобилна технологија, што е обично добра прилика за претставување на новите модели на големите компании.
