На конференцијата за новинари на Саемот за потрошувачка електроника во Лас Вегас, во почетокот на јануари потпретседателот на LG, Џејмс Фишер рекол дека LG Nexus 4 е само "првиот од бројните" производи на кои LG работи со Гугл...

На својата Nexus линија на смартфони и таблети Гугл до сега соработуваше со HTC, LG и Samsung.

"Нашата соработка со Гугл го создаде LG Nexus 4 смартфонот. Ова е прв од бројните уреди кои ќе настанат од оваа партнерство со една многу претенциозна компанија", рекол Фишер.

"The International Business Times" тврди дека LG веќе почнал да ја намалува продукцијата на Nexus 4 за да го подготви теренот за новиот уред и пренесе гласини дека наследникот ќе има помоќен процесор и нов Андроид оперативен систем "Key Lime Pie".

LG Nexus 4 доби пофалби за квалитетот но својата популарност ја стекна првенствено поради цената. Денес воглавно е распродаден.