Кога во времето на Symbian системот и владеењето на Nokia, Samsung рече дека за неколку години ќе биде број еден, малку кој веруваше, а погледнете сега.

Компанијата Samsung продала повеќе од 100 милиони уреди од Galaxy S серијата. Samsung овој успех го запишал во книгата на рекорди само две години и седум месеци откако го претстави првенецот Samsung Galaxy S, во мај 2010 година.

Тогаш никој не знаел дека Galaxy S, всушност ќе биде пресвртница за Android и за Samsung како компанија, затоа што од тој модел корејската компанија нижи само успеси. Сепак, најголем дел во бројката од 100 милиони Samsung му го „должи“ на моделот Galaxy S3, чија просечна дневна продажба се движи околу неверојатни 190.000 парчиња, а до сега се продадени над 40 милиони од тој паметен телефон.

За споредба, Apple до сега има продадено повеќе од 250 милиони iPhone смартфони, но не заборавајте на фактот дека тој за тоа имаше три години предност, затоа што првиот iPhone е претставен во јуни 2007 година.