Во интервју за кинескиот Shanghai Evening News потпретседателот на маркетинг секторот на Apple компанијата ги демантираше гласините дека се прави iPhone мини.

Фил Шилер, меѓу другото во тоа интервју наведе дека без оглед на популарноста на евтините паметни телефони во таа земја тоа никогаш не била и нема да биде иднината на компанијата Apple. Значи, од iPhone мини моделот, изгледа, сепак нема да биде ништо.

Од друга страна, гласините за тој уред ги покренаа сериозни медиуми како Wall Street Journal, Reuters и порталот Bloomberg и сигурни сме дека тие не би го направиле тоа без добра „позадина“. Тие, повикувајќи се на различни извори, ја пренеа веста дека iPhone мини се планира уште од февруари 2012 година и дека цената ќе му биде меѓу 99 и 149 долари.

Изјавата на Фил Шилер, сепак треба да се земе со резерва, затоа што Apple минатата година ја демантираше и веста дека ќе се појави iPad мини, а денеска истиот е продаден во над пет милиони примероци.

iPhone мини, без оглед на се, изгледа сепак е поблиску, отколку подалеку. Што мислите вие за тоа?