Компанијата Apple соопшти дека нема решение за проблемот со Do Not Disturb функцијата и дека тој баг ќе се реши сам од себе.

Проблемот е направен уште при програмирањето и ќе се исправи сам од себе на 7 јануари, соопшти компанијата.

До тогаш, компанијата корисниците ги замоли да не ја користат оваа функција или рачно да ја исклучат. Тоа можат да го направат на следниот начин: Menu -> Settings -> Notifications -> Do Not Disturb и Switch Scheduled да го стават на Off.

Наскоро, по неодамна пуштениот софтвер 6.0.2 се очекува и нова верзија 6.0.3, која, меѓу другото, веројатно ќе донесе и поправка на овој пропуст за во иднина.