Според истражувањето кое го спроведе американската компанија "AppData", Инстаграм, поради новите Правила на користење изгубил 25% од корисниците...

Од кога беа објавени плановите за промена на Правилата на користење и остави можности за продажба на фотографиите објавени преку таа мрежа, Истаграм не излегува од фокусот на интереси на своите корисници. Иако неколку дена по најавата на новите Правила на користење Инстаграм повлече, меѓу другото, и можноста за продажба на фотките од корисниците, бурата никако да стивне.

Ким Кардашиан, која имаше најмногу следбеници на оваа друштвена мрежа и Џастин Бибер, се само некои од познатите личности кои јавно се побунија против новите Правила, а судејќи според најновото истражување на "AppData", Инстаграм поради сето тоа остана без четвртина од своите корисници.

Инстаграм до средината на ноември имаше преку 100 милиони корисници, од кои само дел биле активни на месечна база, но изгледа дека тој број наскоро драстично ќе се намали. Истражувањето на "AppData" доаѓа како ладен туш, без оглед на тоа што Кевин Систром, еден од челновите на Инстаграм, на Твитер рекол дека целата збрка околу новите Правила на користење е претерана и "погрешно сфатена".