Ваков VW со гасеници наместо тркала би можел да биде идеално превозно средство за Дедо Мраз за остатокот од годината. Нешто помалку нападно од санка, а вози баш преку се...
Монструмот од фотографиите се вика "Snowareg" и е дело на инжињерите од шведскиот "Volkswagen" и како таков е идеален за острите зими во крајниот дел од северна Европа.
Како што напишале на својата Фејсбук страница, автомобилот го напрвиле уште минатата година и се работи за "Touareg" со V8 TDI мотор кој произведува 340 коњски сили со 800 Nm вртежи во момент. Единствената важна разлика во однос на класичниот "Touareg" е тоа што овој има гасеници, а од VW велат дека се движи совршено на секакви површини.
