Доколку користите верзија од самостојната Facebook Camera апликација под 1.1.2 морате веднаш да ја надоградите, поради сигурносни пропусти.

Facebook потврди дека пишувањето на TechChurch е официјално, и дека многу популарната iPhone Camera апликацијата има проблеми со сигурносните пропусти, и тоа во моменти кога телефонот е поврзан на јавна Wi-Fi мрежа.

За време на користењето на Facebook Camera апликацијата и истовремено користење на ресурсите на Wi-Fi мрежата може да дојде до хакерски упад во телефонот, крадење на сите податоци на корисникот, вклучувајќи ја и лозинката и корисничкото име.

Овој пропуст го открил египетскиот хакер Мохамед Рамадан, кој ги проверил останатите официјални Facebook апликации за време на работа преку Wi-Fi мрежа и утврдил дека тие, за разлика од Facebook Camera апликацијата, се безбедни.

Компанијата Facebook навела дека до сега не е забележан ниту еден случај на злоупотреба на сигурносниот пропуст на оваа апликација и ги повикала корисниците почесто да ги користат исклучиво мрежите на кои им веруваат.