Пазарниот дел на смартфонот на Apple во Америка за време на 2012 година досегнал рекордно високо ниво од дури 53,3%.

Компанијата Apple со својот iPhone смартфон кон крајот на ноември 2011 година имаше околу 39% дел на пазарот, додека оваа година таа бројка порасна за преку 14%, на дури 53,3%. Ваков висок дел на пазарот остварија различни модели на iPhone уреди (освен оригиналниот, првиот), но најголема улога имаше, се разбира, iPhone 5, кој и понатаму одлично се продава.

Истовремено со ваков висок скок на популарност и продажба на iPhone уреди падна и американскиот Android пазар. Падот е прилично значаен, затоа што од 52,9%, Аndroid падна на 41,9% од вкупниот пазар на паметни уреди во Америка.

Во Европа ситуацијата е нешто поинаква. Таму Android држи околу 61% од вкупниот паметен пазар. Android во третиот квартал од 2012 сочинувал преку 70% испораки на сите паметни телефони.

Ќе биде многу интересно да се види за кои модели купувачите ширум светот ќе се одлучат во овогодишните сезонски распродажби.

Податоците ги собрала и ги обработила компанијата Kantar Worldpanel ComTech.