Tang Zhengping е име на 55-годишен кинески фармер кој за само 3 месеци направил 3 метра долг и 1 метар висок автомобил кој се движи на ветар...

Возилото го движат електронски генератори и батерии кои се полнат со помош на вртењето на големиот вентилатор кој се наоѓа на капакот на моторот. На страничниот дел од возилот се наоѓаат и две соларни крила кои помагаат при создавање на електрицитет. Ова возило на ветар може да достигне брзина до 140 км/ч.

Идеата за таков автомобил Tang ја добил уште на 30 години, но дури сега започнал со нејзина реализација, за која му требале само 1.600 долари. Тој верува дека овој мал автомобил би можел да го направи милионер.

Сепак истакнува дека парите не се тоа што го мотивирало за овој револуционерен изум. "Мој сон е да успеам да допринесам нешто за општеството. Не го направив овој автомобил само поради пари, туку сакам да видам како луѓето го возат на улица. Се што сакам е да бидам корисен за општеството".