Секако дека Самсунг го искористи последното случување во врска со iOS мапите и во свој досегашен стил го пецна Ејпл со една реклама во Австралија...

Компанијата Самсунг го искористи последниот проблем со iOS мапите, кои неколку луѓе во Австралија ги одвеле во пустинскиот Национален парк, наместо во населеното место, па насекаде низ тој континет осамнале билборди и огласи со порака "Требаше да купите Galaxy S3 - Користете мапи на кои може да им поверувате".

Со една од рекламите во близина на локалниот продажен центар, стоел и валкан џип со куп опрема за преживување, кој јасно асоцира на неуспехот на iOS мапите. Во меѓувреме, Ејпл и Гугл се договориле и објавиле Google Maps апликација за iOS 6 уредите, која е веќе најпопуларна бесплатна апликација во Ејпл онлајн продавниците.