Некогаш силната компанија одлучила да се врати на патеката на старата слава со новиот смартфон за кој сметаат дека би можел да стане "убиец" на iPhone 5...

Создавачот на популарниот BlackBerry, компанијата Research-in-Motion, последната година изгуби голем дел од пазарот на смартфони поради иновациите на Ејпл и Самсунг. Но, изгледа дека RIM не се откажува од трката, па така на пазарот го исфрли новиот BlackBerry 10 со кој планираат да се вратат на патеката на старата слава.

Новиот BlackBerry ќе биде претставен на 30 јануари, а наводно е направен така да ги задоволува потребите на голем број различни корисници. Меѓу останатото, RIM со новата софтверска платформа цели на гејмерската публика.

Фотографиите од новиот BlackBerry ги пушти веб страницата Tinhte.vn. Како што тие наведуваат единствена маана на овој нов ВВ е недостатокот на апликации кои се користат за олеснување на секојдневниот живот, а кои iPhone ги има во изобилие.