Најновата надоградба на Фејсбук апликацијата конечно носи побрзо вчитување на содржините, побрз интерфејс и полесно ракување со фотографиите...

Фејсбук апликацијата за Андроид уредите од сите генерации конечно фаќа приклучок со iOS верзијата, која има многу помалку проблеми и работи подобро. Како што велат во Фејсбук, новата Андроид апликација е двојно побрза, најмногу благодарение на откажувањето од HTML5 кодот, на кој до сега апликацијата била заснована.

Благодарение на новиот коден стандард, прегледувањето на фотографиите е побрзо и полесно, како и делењето на лајкови и коментари, а тајмлајн страниците се двојно побрзи за вчитување. Известувањата за новостите се добиваат "во реално време", а може да ги видите во долниот дел од екранот, како е случај со веб апликацијата.

Новиот Фејсбук, веќе е достапен за превземање во Play продавниците, а ги доби и првите критики. Тоа се приказот на фотографии без рабови и проблемот со прилагодување на големината на фотографиите со екранот на телефонот кој се користи.

Значи, наскоро (повторно) доаѓа нов апдејт...