Фејсбук од оваа среда воведе нови поставки за приватност, а при тоа вам ви ја одзема можноста вашиот профил да не се прикажува доколку вашето име некој го напише на просторот за пребарување...

Според пишувањето на Mashable, пради овие новости во опциите за приватност поедноставно ќе ви биде да изберете кои пријатели и претплатници можат да ги видат вашите лични информации, статуси и фотографии, а ќе ви биде и поедноставно да побарате, од оној кој ја поставил фототографијата на која се наоѓате, да ја отстрани доколку од некоја причина не ви одговара.

Исто така, се воведени промени и во Activity Log, со помош на кои ќе биде полесно да ве следат што правите, а од сега при пристапувањето кон некои апликации ќе ве престретнат две прашања: едното е да потврдите дека им допуштате увид во вашите лични информации и второто е да одобрите објавување статуси во ваше име. До сега одговорите на овие информации се бараа преку едно прашање.

А со сето тоа доаѓаат и големите промени во пребарувањето. Веќе нема да биде можно вашиот профил да остане скриен од корисниците на Фејсбук кои во пребарувачот ќе го напишат вашето име.

Ќе знаете дека новите промени ви се активни кога во десниот горен агол ќе се појави опција на која ќе може да кликнете за објаснување.