Група белгиски научници од Универзитетот во Гент усовршила контакни леќи со мал LCD екран, кој овозможува приказ на информациите директно на окото.

Екранот е сместен на испакнатиот дел на површината на леќите и содржи, меѓу другото, и бежична врска, така што може да ги прикажува сите видови слики директно во окото на корисникот.

Благодарение на новата технологија, резолуцијата (дефиницијата) која ја постигнува екранот на леќите овозможува приказ на податоците кои се совршено видливи (и читливи) за човечкото око.

Истражувачите како пример ја навеле можноста за прикажување SMS пораки директно на екранот, додавајќи дека сега останало само да развијат апликации наменети за таа технологија која би можела да биде комерцијализирана за пет години.

Меѓутоа, прецизирано е дека технологијата нема да го замени кино екранот за гледање на филмови.