Индијскиот пронаоѓач Сумит Дагар освоил награда вредна 50.000 долари за да продолжи да развива нов, нискобуџетен модел на мобилен телефон за слепи.

Како што пренесува AFP, 29 годишниот индустриски инженјер од Њу Делхи си ја обезбедил вредната награда на познатиот произведувач на часовници Rolex, во конкуренција од 1.000 натпреварувачи.

Дагар производел прототип на смартфон за слепи кој има тастатура со Брајова азбука и екран чувствителен на допир.

Сонот на овој млад пронаоѓач е да произведе мобилен телефон кој ќе им биде достапен на сите слепи луѓе во Индија, каде според неофицијалната проценка жеивеаат 22% слепи луѓе од 285 милиони слепи и слабовидни луѓе во цел свет.

Тој се надева дека неговиот Брајов мобилен телефон ќе се најде на пазарот најдоцна за пет години.