Директорот на Microsoft, Стив Балмер, изјави дека продажбата на Windows 8 е импресивна, а го презеле веќе четири милиони корисници од кога е понуден на пазарот на 26 октомври.

„Продадовме четири милиони копии од Windows 8 оперативниот систем само во последните три дена“, рече Балмер на конференцијата на софтверски инжењери во седиштето на Microsoft компанијата, во Редмонд.

Балмер додал дека многу фирми веќе преминале на новиот оперативен систем и дека побарувачката за новиот Windows во првите денови од продажбата е поголема отколку што била за претходниот оперативен систем, Windows 7.

Меѓу апликациите кои се ставени во новиот Windows се популарниот сервис за објавување на текстуални пораки Twitter и сервисот за онлајн разменување на фајлови Dropbox, кажал Балмер.

Microsoft истовремено ја започна продажбата на новиот Windows и таблетот компјутер Surface во обид да заземе дел од пазарниот сегмент кој нагло се развива, затоа што се повеќе корисници преминуваат од десктоп компјутери на мобилни уреди.