Honda дизајнираше специјална верзија на својот модел "fit" наменет исклучиво за женската популација...

По што оваа "женска" верзија се разликува од "обичната"? Меѓу останатото, има шофершајбна која спречува настанување на брчки и секако, има розова боја. Ако не ви се допаѓа идеата за розов автомобил, можете да бирате помеѓу неколку нијанси кои, сите до една, се инспирирани од боите на сенки за очи.

Освен тоа, оваа ограничена серија на "Honda fit" доаѓа со специјален систем на вентилација кој наводно го спречува и сушењето на кожата.

Honda дизајнот, кој подразбира розови детали на таблата со инструменти, како и украсни розови штепови на навлаките на седиштата и воланот, го опишува овој автомобил како "сладок, но на возрасен начин".

Доколку го посакувате, за него треба да издвоите некаде околку 13,500 евра.