Италија | Младиот Никола Миленковиќ од Партизан е пред трансфер во Јувентус, доколку се вистинити тврдењата на неговиот соиграч, Валери Божинов...



Бугарскиот фудбалер Божинов, кој сега го носи дресот на Партизан, во минатото играше за Лече, Јувентус, Парма и Фиорентина па има блиски контакти со италијанските медиуми.

Тој за Газета дело Спорт открива дека Јувентус е пред потпис со младиот Миленковиќ.

„Тука во Партизан имаме повеќе добри фудбалери, Миленковиќ, Влаховиќ... но мислам дека единствената работа која недостасува за трансферот на Миленковиќ во Јувентус е само официјална потврда, договорот е веќе склучен“ - вели Божинов.

„Тој е многу добар дефанзивец. Цело време ме прашува за Јувентус, дуелот против Интер го гледавме заедно“.

„На првиот ден од летниот камп ми беше цимер и беше навистина неуреден. Му реков: „Не сакаш вака неуреден како сега да му се покажеш на Буфон. Јувентус е Јувентус“.

Извор: 24FUDBAL.com.mk