Македонија | Довчерашниот напаѓач на Вардар, Филип Ивановски во новата сезона ќе го носи дресот на градскиот ривал на „црвено-црните“, тимот на Работнички...



Работнички денеска го промовираше Филип Ивановски како ново засилување во нападот.

„Искусниот напаѓач Филип Ивановски, од денеска е нов фудбалер на Работнички, откако потпиша едногодишен договор со нашиот клуб. Тој веднаш му се става на располагање на тренерот Викор Треневски и ќе биде значајно засилување за навалниот ред“ - стои во соопштението на клубот.

„Потпишавме договор со Филип Ивановски. Се работи за искусен, квалитетен напаѓач, вистински реализатор, кој веруваме дека ќе донесе нов квалитет во нашиот тим. Бевме посебно дефицитарни на оваа позиција и со ангажманот на Ивановски решаваме еден голем проблем“, вели спортскиот директор на клубот, Иван Поповски.

Работнички во недела со почеток од 17:30 часот и гостува на Македонија Ѓорче Петров во натпревар од првото коло во Македонската прва лига.

Извор: 24FUDBAL.com.mk