Лига на Шампиони | Гоце Седлоски е задоволен од играта на своите фудбалери, но вели дека среќата не била сојузник на Вардар, се надева дека на реваншот во Загреб ќе биде поинаку...



Вардар создаде повеќе шанси за гол против Динамо Загреб, три пати конструкцијата беше сојузник на гостите, а головите паднаа по лоши интервенции на одбраната.

Црвено-црните задоволија со залагањето и се чини дека не заслужија пораз.

„Фудбалерите го дадоа максимумот, а тоа го потврди и публиката со аплаузот. Имавме доста шанси за гол, две стативи една пречка, топката едноставно не сакаше да влезе. Среќата ни го сврте грбот“ - вели Гоце Седлоски.

„Ќе го анализираме овој меч, ќе видиме каде сме погрешиле, направивме две наивни грешки во одбраната кои не чинеа пораз. Ќе гледаме да го поправиме тоа и ќе се обидеме во Загреб да дојдеме до поволен резултат“.

„Се надеваме дека на реваншот среќата ќе биде на нашата страна и таму ќе се обидеме да играме офанзивно бидејќи нема што да браниме“.

Извор: 24FUDBAL.com.mk