Лига Европа | Дмитриј Тарасов вели дека е голем патриот, па затоа носел маица со ликот на претседателот Владими Путин, но за ваквиот потег би можел да добие и 10 натпревари суспензија...
По вчерашниот натпревар помеѓу Фенербахче и Локомотив Москва во Лига Европа, фудбалерот од средниот ред, Дмитриј Тарасов на турските фанови им покажа маица со ликот на Владимир Путин и паролота „најљубезниот претседател“.
Во разговор со медиумите од Русија, Дмитриј Тарасов појаснува дека немал намера да провоцира и едноставно сакал да покаже дека е голем патриот.
„Путин е мојот претседател. Го почитувам и одлучив да покажам дека секогаш ќе бидам со него” – играчот е цитиран од RIA Novosti.
За Lifenews тој додаде: „Идејата беше моја, немав намера да провоцирам. Јас само сум голем патриот. Пораката на маицата кажува само дека имаме голем претседател. Во тоа нема ништо погрешно”.
На УЕФА сепак не и се допаѓаат политичките пораки, па за очекување е играчот драконски да биде казнет.
Новинската агенција R-Sport, повикувајќи се на извори од европската куќа на фудбалот, пренесува дека Дмитриј Тарасов би можел да добие суспензија од 10 натпревари.
Извор: 24FUDBAL.com.mk
