Шпанија | Ерик Абидал ја одби можноста да работи во Барселона, Французинот прифати понуда од Олимпијакос...



Во декмври минатата година Ерик Абидал соопшти дека става крај на фудбалската кариера, по што доби понуда од ’Каталонците’ да се врати на Камп Ноу.
 
Барса на својот поранешен играч му понуди две улоги: да работи за фудбалската академија или пак да биде врска помеѓу бордот на директори и играчите на првиот тим.
 
Во разговор со France Football, Ерик Абидал сега открива дека ја одбил можноста да работи во Барселона, и прифатил понуда од Олимпијакос, која му овозможува повеќе да се посвети на неговата фондација и семејството.
 
„Барса ми понуди можност да бидам врска помеѓу играчите и директорите, но не гледам никаква поента во тоа” – вели Абидал.
 
„Меси веќе го знае претседателот на клубот, па не му требам јас за да отиде и да разговара со него”.
 
„Исто така ми беше понудена можноста да се грижам за фудбалските школи ширум светот, но оваа позиција бара премногу патување”.
 
„Сакам да имам повеќе време за мојата фондација и семејството, па не сакам позиција поради која ќе треба да работам 24 часа на ден”.
 
Во Олимпијакос, Абидал ќе се грижи за маркетинг, спонзорските договори, ќе ги планира припремита на првиот тим и ќе биде врска помеѓу академиите на Олимпијакос и Барселона.
 
„Неодамна бев во посета на еден спонзор на Олимпијакос во Швајцарија и го искористив ова патување да завршам одредени работи и за мојата фондација”.
 
„Бараат од мене да бидам во Атина само четири дена во месецот, па го прифатив нивниот предлог. Им дадов збор”.

Извор: 24FUDBAL.com.mk