Првиот брачен бакнеж паднал денес по граѓанската венчавка, а гламурозната црквена церемонија ќе се одржи утре...

Принцот Алберт Втори од Монако стана оженет маж. Првиот ден од дводневното славење на државното венчање во престолната сала на палатата Грималди во Монако, кое го водил Филип Нармино поминал скромно, а Алберт Втори (53) и неговата љубена, поранешната јужноафриканска пливачка Шарлен Витсток (33) ги разменија брачните завети пред најблиските членови на семејството, и тоа пред сестрите на Албет Каролина и Стефани, нивното семејства и пред членовите на семејството Витсток.

Заветот прва го изговорила невестата, спротивно на општите правила. Откако Алберт рекол "Да", Шарлин автоматски станала принцезата од Монако, онаа која жителите на Кнежевството ја чекале дури 29 години, уште од трагичната смрт на Грејс Кели. По десетминутната церемонија, Алберт и намигнал на сопругата и и ја бакнал раката. Првиот бакнеж го размениле на балконот пред многу публика.

По заветот, бракот го запечатиле со потпис, и тоа со  пенкало кое е креирано во нивна чест, од 160 рубина и 120 дијаманти кои го симбоизираат монегашкото знаме на Монако и мотивот на црквата Saint Devote.