„Ќе бидам со некој што ме сака таква каква што сум“, изјави убавата актерка...

Убавата актерка Ен Хетавеј сними заводлив едиторијал за августското издание на Harper's Bazaar и прозборе за љубовта, поранешните момчиња и филмската кариера. Моментално се подготвува за улогата на Жена-мачка во новиот „Бетмен“, а ќе глуми и во љубовната драма One Day.

За својот поранешен Рафаел Фолиери, кој моментално служи затворска казна поради измама и перење пари, рече: „Постои нешто зависничко во угодувањето на луѓето. Тоа ви поминува во навика и ви се чини дека се е многу, многу добро се додека не станете очајни. Мислам дека многу жени ја имаат таа приказна. Голем е моментот кога ќе истапите и ќе кажете: ‘Ќе бидам онаква каква што всушност сум. И ќе бидам доволно храбра за да бидам со некој кој ме сака таква каква што сум’.“

За својата сегашна врска со актерот Адам Шулман вели дека имаат „убава, стабилна врска“. „За сега се функционира одлично“, изјави среќно Хетавеј.