Стивен Спилберг по разводот со поранешната сопруга "дал" 100 милиони долари, ситница наспроти сумата која Мел Гибсон ќе ја даде на својата поранешна сопруга, а таа сума изнесува 500 милиони долари...

Холивудскиот актер и неговата долгогодишна сопруга, постигнале договор за развод од бракот после цели две и пол години. Договор за разводот помеѓу Мел и Робин Гибсон вклучува и имот кој го поседувале. Деталите од договорот не се објавени, а се проценува дека Мел Гибсон "вреди" 900 милиони долари.

Поголемиот дел од парите ги заработил за време на бракот, така Робин би можела по разводот да добие половина од "стекнатото".

Се очекува дека Врховниот суд во Лос Анџелес ќе го финализира договорот во август. Ако судот пресуди поделба на имотот, разводот ќе биде еден од најскапите во историјата на Холивуд. Рекордот сега го држи Стивен Спилберг, кој на поренешната сопруга и платил 100 милиони долари, за се проценува дека Арнолд Шварценегер, доколку се разведе, ќе и плати на Марија Шрајвер 200 милиони долари.

Робин Гибосн поднесе барање за развод во 2008 година, по 28 години брак поради "непремостливи разлики". Парот се разделил неколку дена по апсењето на Гибсон поради возење во пијана состојба и анти-семитски изјави.

Гибсон и Робин имаат седум деца, но Гибсон има и 20 месечна ќерка со поранешната девојка Оксана Григориева.

Гибсон во март беше осуден на три години условна поради семејно насилство и бил испратен на советување.