„Игралиште“ ќе се занимава со проблемот на малите насилници во училишните дворови, пишуваат холивдуските весници...

Кертис Џексон, односно 50 Cent, ќе напише роман за тринаесет годишно момче кое станува училишен силеџија. Ова не му е прв обид на 50 Cent за пишување, затоа што во 2005 година ја напиша биографијата „Од делови до целина“ и стратешкиот прирачник од 2008 година „50-тиот закон“.

Издавачката куќа Razorbill објави дека книгата ќе биде напишана во прво лице, од перспектива на тинејџерот кој станува силеџија, но пронајдува и начин да се избави.

„Сакав да истражам како детето станува насилник. Инспирацијата ја пронајдов во случувањата од сопственото детство, но приказната некако започна свој живот. Се надевам дека ‘Игралиште’ ќе има позитивно влијание на младите луѓе“, рече Џексон.

„Игралиште“ во американските книжари стигнува во јануари следната година.