Отсуството на актерката од третиот дел на "Трансформери" не е поради други обврски, туку поради непријатните коментари за Хитлер, пренесува американскиот печат...

Меган Фокс (25) ги полудела фановите како една од главните ѕвезди во првите два дела на "Трансформери", но во третиот дел ја заменила британската манекенка Роузи Хантингтон-Вајтли.

Фокс тврди дека поради други деловни обврски и ангажмани одлучила да го напушти третиот дел на филмот на Мајкл Беј, но режисерот открил зошто е отпуштена.

Мега во еден магазин рекла дека Беј на снимањето се однесува како Хитлер, што го разбеснило продуцентот Стивен Спилберг.

"Стивен ме повика и рече - веднаш ја отпушти", рекол Беј во новото интервју.

Режисерот додал и дека лично бил навреден поради нејзиниот коментар, но и дека е задоволен со нејзината замена.