Познатиот фудбалер размислува за тетовирање на пенисот, а не знае дали ќе и дозволува на ќерка си да се тетовира...

Дејвид Бекам на своето тело веќе има повеќе од 30 тетоважи, а во шоуто на Крег Фергусон откри дека размислува дури и за тетовирање на неговиот пенис.

„Секоја тетоважа нешто ми значи. Мислам дека имам 31“, рече Бекам, а кога Фергусон го праша дали веќе има некоја на пенисот, Бекам одговори: „Се уште не.“

Фергусон тогаш му предложи заедно да одат да се тетовираат и рече дека и тој сака на својот пенис да истетовира: „Здраво, јас сум Кред, мило ми е што се запознавме, ти посакувам пријатен ден“, додека Бекам рече дека ќе размисли што ќе тетовира на неговиот.

36 годишната фудбалерска ѕвезда има три сина 12 годишниот Бруклин, 8 годишниот Ромео и 6 годишниот Круз, а со сопругата Викторија моментално очекуваат ќерка.

„Не сум сигурен дали ќе и дозволам на ќерка ми да се тетовира, но на синовите баш и не можам да им бранам. Ги сакам сите свои тетоважи, но не сум баш сигурен дека ќе изгледаат убаво кога ќе имам 75 години“, рече Бекам.