Општинската власт во Мумбаи ја срамна со земја куќата на малата ѕвезда од филмот кој доби 8 оскари, „Slumdog Millionaire“, присилувајќи го целото семесјтво да живее на улица, неколку месеци подоцна откако малиот Azharuddin Ismail се здоби со светска слава. 9-годишниот Azharuddin го играше ликот на Salim како дете. „Сеуште спиев кога пристигнаа, а еден од полицајците дури ми се закани“-со солзи во очите раскажувал за трагичниот настан малиот Azharuddin додека го полнел со алишта полу-скршениот куфер. Куќата на малата ѕвезда повеќе пати била рушена но повторно била градена на истото место од членовите на семејството. Властите ја оправдуваат оваа постапка затоа што дивоградбите требало да се срушат пред да почне надоаѓањето на монсуните. „Што да правам сега без покрив над глава? Се знае! Ќе спијам под отворено небо. Нема да ми биде рв пат!“-изјавил малиот Azharuddin. Пред неколку месеци властите им ветиле нови куќи за неговото семејство и за семејството на Rubina Ali која ја толкува улогата на малата Латика, но сега засега се оставени на милоста на природата.