Елегантната Анџелина Џоли на јавните настани секогаш изгледа елегантно и гламурозно. И покрај тоа што нејзината најстара ќерка, Шајло, ќе биде вистинска убавица, се чини дека нема да ја гледаме во вечерни фустани туку во костуми, затоа што малата убавица се повеќе наликува на момче...

Многубројното семејство Џоли-Пит навистина е уникатно, а секое дете освен што има своја посебна животна приказна, има и посебен стил на облекување кои од самиот почеток нивните родители го поддржуваа за децата да можат сами да го изградат својот карактер.

Најдобар пример е Шајло, првата биолошка ќерка на Анџелина Џоли и Бред Пит. Уште од мали нозе симпатичното девојче неверојатно потсетуваше на момче, затоа што не сакаше да облекува фустанчиња и сандали како другите девојчиња.

Грижливите родители нејзината одлука ја поддржува објаснувајќи дека Шајло обожава облека за момчиња, затоа што сака да изгледа како нејзините постари браќа.

Но, изгледа дека приказната продолжува и понатаму затоа што петгодишната убавица со руса коса колку што е постара толку повеќе заличува на момче.

Веселото семејство деновите ги поминува во Лос Анџелес каде што се одржува премиерата на филмот Kung Fu Panda 2.

И додека атрактивната Анџелина се прошета по црвениот тепих во елегантен црн фустан, Шајло и понатаму одбива да изгледа како девојче, па за оваа пригода облекла црни панталони, бела кошула, кравата и елек по што изгледаше како момче кое повеќе личи на татко му отколку на мајка му.