Лејди Гага е првата ѕвезда со повеќе од 10 милиони следбеници...

Лејди Гага уште еднаш потврдила дека е "кралица" на Твитер. За време на викендот контроверзната пејачка станала првата славна личност со повеќе од 10 милиони следбеници на таа социјална мрежа.

"10 милиони чудовишта. Останав без зборови, успеавме! Болно е тоа колку ве сакам", им рекла Лејди Гага преку Твитер на своите обожаватели.

Да се потсетиме, "тронот" на твитер Лејди Гага го превземала уште во август минатата година, кога со 5.7 милиони следбеници ја надминала Бритни Спирс. Бројот на обожаватели за време на последните месеци продолжил да расте незапирливо, а за Лејди Гага моментално најголемата конкуренција претставува Џастин Бибер, чиј број на следбеници изнесува 9.65 милиони.