Мајката Чудовиште, како што ја нарекуваат нејзините фанови, навистина стана чудовиште (и тоа триглаво) за новата насловна страна на списанието V...
Ексцентричната поп ѕвезда, позира со три глави на нејзиното тело за најновото азиско издание.
Таа носи корсет и високи проѕирни чорапи на сликата, а исто така и три неземски стилови на фризури.
Внатрешни слики од 25 годишната пејачка покажуваат друг фацијален изглед, со помош на сложено нанесена шминка.
Една слика ја покажува мрачната или готска страна на Гага, и фацијален накит инспириран од етнички аспект, со црн кармин и црна маскара.
На другата слика, светли бои се нанесени на лицето на Гага, слично на јапонскиот поп арт. Исто така носи т.н. „гол костим“ со гумени потполнки за рамења со месо боја и розов ремен за кучиња.
Гага исто така се осмелува да се покаже во природно издание, со само малку сенка за очи и сјај за усни.
Четвртата слика ја покажува структурата на лицето на Гага, која често е засенета од нејзината пренатрупана шминка.
Во списанието таа е интервјуирана од нејзиниот близок пријател, Елтон Џон, кој ја праша Гага што таа слуша моментално.
„Грегоријански бајалки. Edith Piaf... бев опседната со неа додека го работев Born This Way. И метал“, одговори таа.
Тој потоа ја праша кои се најличните песни од албумот. „Сите се лични, ја напишав и копродуцирав секоја песна. Но, Marry The Night најдлабоко погледнува во моето срце и ум како на жена од Њујорк.“
Елтон исто така ја праша каде се гледа себеси во иднина, на што Гага одговори: „Не знам. Се уште се обидувам да смислам што ќе носам следно.“
Новиот албум на Гага, Born This Way, треба да излезе на 23 мај.
