Поранешниот дечко на британската соул дива Адел бара исплата за својот "допринос" за нејзиниот деби албум "19", пренесуваат британските таблоиди...

Пејачката рече дека нејзиниот поранешен дечко сакал да биде исплатен од неа, затоа што бил лошо момче, и што ја инспирирал да сними албум.

"Една недела ме повикуваше и беше мртво сериозен во врска со тоа. Замислете!", рекла таа. "Тој навистина мисли дека има некое влијание на креативниот процес, само затоа што беше кретен. Вистина, единствено морам да му оддадам признание бидејќи ме натера да пораснам и да тргнам кон патот каде што сум сега", додала таа.

Деби албумот на Адел моментално е на листата најслушани албуми во Британија иако е објавен пред 3 години.

Нејзиниот втор албум "21" е на врвот на американската листа на најпродавани и веќе 14 недели е број 1 во Велика Британија.