Пејачката Витни Хјустон повторно на лечење од дрога и алкохол, објавила во понеделникот нејзината портпаролка...

Повеќекратната добитничка на Греми се пријавила на лекување. "Витни Хјустон моментално е на амбулантска рехабилитација од дрога и алкохол. Витни сама се пријавила за таа програма да и помогне во процесот на опоравување", напишала портпаролката Џил Фритзо.

Хитот на Витни Хјустон "I will always love you" е еден од најпродаваните хитови на сите времиња, а пејачката на крајот од 2009 година се обидела да се врати на сцената по долгата борба со дрога и алкохол.

Но за време на концертната турнеја во 2010 година некои настапи биле проблематични. На почетокот на британската турнеја останувала без здив. Во Париз е хоспитализирана поради инфекција на дишните патишта, а неколку концерти биле одложени.

Во април 2010 година коментарите од медиумите дека повторно станува збор за зависност, ги нарекла "смешни".