Поранешниот "Битлс" се верил со американската милионерка Ненси Шевел, а наскоро ќе има и венчавка...

Познатиот музичар не сакаше да открие каде и кога ќе го изговори судбоносното "да", но неговиот портпарол на прашањето на новинарите дали е вистина дека тој повторно ќе се венча, одговорил потврдно.

"Да точно е, тие се верени и планираат венчавка. Сите сме среќни поради нив", накратко рекол портпаролот

Пол(68) и неговата 17 години помлада партнерка, се во врска уште од 2007 година а американските медиуми пишуваат дека ова лето ќе пречекаме уште една гламурозна венчавка.

"Пол е пресреќен. Посреќен од кога и да било досега. Пресреќни се заедно и време е тоа и да го озаконат", изјавил извор близок на Пол.

За Ненси ова ќе биде втор брак, а на Пол трети. Неговата прва жена Линда умрела од рак во 1998 година, додека од другата сопруга Хедер Милс се развел во 2008 година, а Ненси 20 години била во брак со адвокатот Брус Блејкман.