Популарните латино ѕвезди се убедливи победници на Билборд музичките награди...
Енрике Иглесиас и Шакира триумфирале на доделувањето на Латино наградите на музичкиот магазин Билборд кој се одржал во четврток во Корал Гејблс, во Флорида.
Иглесиас освоил девет награди, вклучувајќи ги и оние за латино уметници и за најдобар латино албум на годината, додека Шакира однела шест награди.
Глорија Естефан добила награда за филантропска работа преку нејзината фондација за помош на малтретираните и напуштени деца.
Овогодинешното доделување на најпрестижните музички награди било пренесувано во живо и се гледало во 35 земји ширум светот.
