Знаеме дека Кејт не вети дека ќе се „покори“ во Вестминстерската Опатија, но изгледа дека парот напишал свои заклетви за кралската венчавка...

„Со толку многу љубов во нашите срца...“ е само дел од тоа што можеби е заклетвата на идната принцеза, Кејт Мидлтон. Кога таа беше фотографирана вчера како заминува од својот дом во Баклбери, имаше мало парче хартија кое се гледаше на задното седиште од колата што содржеше текст од непознато дело.

Додека повеќето зборови беа покриени, во делот каде што го пишува погоре споменатиот цитат, отвара можности дека можеби парот го следеле примерот на многу млади парови и напишале сопствени заклетви за нивниот посебен ден.

Иако во почетокот Кејт и Вилијам планирале да ја поминат ноќта заедно, сепак, Кејт, која е наклонета кон традицијата и семејството одлучила да ја поминe последната ноќ одделена од младоженецот. Таа со своите родители, сестрата Пипа и братот Џејмс, отседнала во хотелот со пет ѕвездички, Goring.

Синоќа парот отишол во Вестминстерската Опатија за последната проба и подготовка пред венчавката, заедно со принцот Хари, кој е кум, и Пипа, која е главна деверуша. Таму Кејт и Вилијам се запознале со деканот на Вестминстер, а биле присутни и доктор Роан Вилијамс, кој ќе го венча парот и бискупот на Лондон, Ричард Чартс, кој ќе го даде благословот.

Очевидци велат дека Кејт „зацвикала“ кога видела како е украсена средновековната зграда и дека возбудено ги гушкала случајнте минувачи од послугата.

Се прават последните подготовки, улиците веќе се исчистени, обожаватели од цела Британија престигнуваат за да му посакаат среќа на парот, а фотографите како „луди“ се „борат“ за најдобрите позиции.

Ако се биде во ред, утре наутро треба да почне долгоочекуваната Кралска Венчавка која ќе трае цел ден и ноќ.