Бидејќи со кражбата на ѓерданот ја прекршила условната казна од 2007 година, актерката Линдзи Лохан мора да ги чисти тоалетите, прозорците и подовите во една мртовечница во Лос Анџелес...

Актерката Линдзи Лохан (24) на која неодамна и била прифатена жалбата против пресудата од четири месеци затвор, осудена е на 120 часа општествена работа во мртовечница во Лос Анџелес.

Лохан ќе ги чисти прозорите и подовите и "ќе ја одржува хигиената во тоалетите во мртовечницата", пренесуваат американските медиуми.

"Таа нема да дојде во контакт со телата, но секако ќе ги види", рекол заменик директорот на мртовечницата Ед Винтер за магазинот People.

Актерката на истата казна била осудена и во 2008 година.

Освен 120 часа кои ќе ги помине во мртовечницата, Линдзи ќе мора да ја заврши казната која и е претходно пресудена - 360 часа социјална работа во центарот за бездомници.