Американскиот актер Николас Кејџ уапсен е во сабота во Њу Орлеанс под дејство на алкохол...

Четириесет и осум годишниот актер е приведен околу 23:30 по локално време и е задржан во притвор поради сомнеж за семејно насилство, нарушување на јавниот ред и мир и пијанство на јавно место, соопшти портпаролот на полцијата Гери Флот.

Брачниот пар стоел пред куќата за која Кејџ тврдел дека е таа која сакале да ја изнајмат, додека неговата сопруга го вели спротивното.

По бучната караница актерот ја зграпчил жената за раката и ја одвлечкал кон зградата за која мислел дека ја изнајмиле, рекол Флот.

По тоа, почнал да удира на улицата и влегол во такси. Стигнал полицаец и побарал од Кејџ да излезе од таксито, на што актерот почнал да вика на полицаецот. Полицијата потоа го привела.

На сопругата на Кејџ немало видливи трагови од злоставување, наведува полицијата. По платената кауција, актерот е пуштен на слобода, а судењето е закажено на 31 мај.

Иако е еден од најдобро платените актери во Холивуд, Кејџ има финансиски проблеми поради лошите инвестиции и прескапиот стил на живот, порад што, за да го плати данокот, мораше да продаде добар дел од својот имот.

Два пати беше номиниран за Оскар, а го доби дури во 1995 година за филмот Leaving Las Vegas во кој отелотвори пропаднат алкохоличар.