Вчера, на своите профили на твитер и фејсбук, Лејди Гага го објави омотот за својот нов студиски албум...

Третиот студиски албум на Лејди Гага, насловен како Born This Way, треба да излезе на 23 мај оваа година, а пејачката вчера објави слика од омотот на своите профили на твитер и фејсбук.

Како и со The Fame Monster, и Born This Way ќе има обична верзија и специјална верзија.

Од Born This Way Лејди Гага веќе има објавено два официјални синглови, Born This Way и Judas и еден ремикс за песната Scheiße. Сите три песни ќе се најдат и на двете верзии од албумот.

Албумот Лејди Гага го опиша како дрога, која води до нови кулминации. „Born This Way e марихуана и хероин“, изјави пејачката за Harpar's Bazaar. „Ефектот на албумот се засилува кога го истражувате. Различните песни се различен вид на опиум.“