Познатиот мексикански револуционер, Панчо Вила, во најновиот филм на Емир Кустурица нема да го игра Џони Деп, бидејќи не успеал совршено да научи шпански...

Иако Деп бил првиот избор на Емир Кустурица за оваа улога, која и на него му се допаднала многу, сепак од соработката нема да биде ништо, бидејќи Кустурица сака целиот филм да го сними на шпански, а шпанскиот на главниот актер не му оди "од рака".

"Џони Деп се откажал бидејќи неможе да научи шпански до потребниот степен, а инсистирам филмот да биде снимен на шпански", изјавил Кустурица.

По дефинитивното откажување на Џони од улогата на Панчо Вила, сега е повеќе од веројатно дека ќе биде заменет со актерот Бенисио дел Торо. Кустурица тврди дека Дел Торо дефинитивно ја прифатил улогата, и дека останале само мали формалности да бидат договорени на крајот од април, кога двајцата се среќаваат повторно.

Кустурица минатиот месец престојувал на Куба каде Бенисио го снима својот режисерски првенец и тогаш веројатно е договорена соработката.

Кустурица покрај филмот за Панчо Вила, има во план уште два нови проекти. Во еден од нив ќе соработува со познатиот режисер Роберт Бенини, а планира и адаптација на познатиот роман на Андриќ - "Мостот на Дрина".