Ребека Блек,најлоша пејачка на светот, по успехот што го имаше со нејзиниот прв сингл, Friday, е „затворена“ во студиото и работи на својот прв албум со засега непознато име...

13 годишната пејачка меѓутоа откри дека наскоро треба да излезе нејзиниот втор сингл, насловен како LOL, за кој вели дека ќе биде ептен потфатлив, исто како Friday.

Ексклузивно се знае за еден стих кој ќе оди вака: „BFF you make me LOL“. Дефинитивно ќе се надмине самата себеси и овој пат.

Ребека Блек стана позната по своето вирално видео, Friday, кое го снимила откако нејзината мајка платила 2.000 долари на музичката продукциска куќа Ark Music.

13 годишното девојче постојано е обвинувано и осудувано од страна на гледачите на YouTube и вели дека многу од коментарите ја повредиле, а кога ги видела сите негативни коментари дури и плачела.

„Јас не сум најдобрата пејачка на светот, но сигурно не сум ни најлошата“, изјави Блек, која мислејќи дека стана популарна поради сите погрешни причини, испеа акустична верзија на Friday за да им покаже на сите дека и не пее толку лошо.

Па, ја очекуваме новата песна на Ребека Блек, која по Friday сигурно ќе биде исто така со огромен успех.