„Најлошата пејачка“ има уште еден многу познат обожавател, и тоа никој друг, туку екстравагандната Лејди Гага...

По поддршката што ја изрази Сајмон Коувел непосредно по излегувањето на песната Friday на Ребека Блек, сега и Лејди Гага лично застанува во одбрана на 13 годишната девојка.

На настанот на Google за музичари во вторникот, Гага отворено ја изјави својата поддршка за симпатичната мала пејачка, која е исмевана ширум светот на интернет поради нејзината деби-песна, Friday.

„Мислам дека е фантастична“, рече Гага за славата на Блек на YouTube, каде што нејзиното видео е погледнато над 35 милиони пати.

„Велам дека Ребека Блек е гениј и дека секој кој вели дека е никаква е полн со с*ања“, продолжи Гага, иако напомена дека се уште го нема погледнато видеото.

Блек рече дека е сајбер малтертирана за нејзината песна, откако мајка и платила 2.000 долари на Ark Studios да и ја направат.

Според Billboard.biz таа заработува околу 27.000 долари неделно од продажбите на iTunes и гледаноста на YouTube.