Блум и Кер зборуваат за тоа како е да се биде родител и нивните прекрасни искуства во новиот семеен живот со малиот Флин...

Поминаа два месеци откако гордите родители Миранда Кер и Орландо Блум му посакаа добредојде на малиот Флин во нивните животи. Миранда го опиша Флин како нивен „мал зрак сончевина“ и рече дека покрај долгото и тешко природно породување, семејниот живот не може да биде подобар.

Орландо исто така го пофали семејниот живот, и неодамна откри какво било запознавањето за прв пат со Флин и која е неговата омилена активност татко-син.

Тој рече дека бил во шок повеќе од било кога кога го запознал него, велејќи: „Лудо е затоа што додека жена го носи бебето девет месеци во утробата и многу е свесна дека има малечко во неа, но, за машко, одеднаш гледаш бебе. Се е како ‘Што? Опа!’ Но, прекрасно е!“

Кога го прашаа која е неговата омилена активност за поврзување со син му, Орландо рече дека ништо не може да се спореди со тоа кога го бањаат. Тој го опиша: „Супер е, го обожавам! Го бањам многу често во последно време, навистина е слатко. Тоа е навистина еден прекрасен момент.“

Миранда Кер и Орландо Блум изгледаат посреќни отколку што е човечки возможно. Но, можеби е полесно да уживаат во првото родителство покрај сите слуги кои се постојано таму за да го превземат ноќното плачење на новороденчето.