Бритни Спирс работи со полна пареа на новото видео за песната Till The World Ends...

Откако пред неколку недели го објави видеото за песната Hold It Against Me, Бритни се фрли на снимање на новото видео, а своите фанови на фејсбук и твитер ги почести со фотографии од сетот.

„Првиот ден од снимањето е готов, си зедов пауза која навистина ја заслужив“, објави Спирс на својот твитер профил.

Дваесет и девет годишната пејачка објавила фотографија на која се одмара во режисерското столче, облечена во жешки панталончиња и рокерска кожена јакна со нитни, а ефектот го засилија и сокинатите чорапи и неуредната фризура.

Албумот Femme Fatale на кој се наоѓа и песната Till The World Ends би требало да излезе на 29 март, а дали и за овој спот Бритни ќе најде спонзори и лежерно ќе ги уфрли во видеото како што направи за Hold It Against Me, преостанува да видиме.