Под креветот на поп иконата е најдена ињекција пропофол, а доктор Мареј тврди дека тој не ја допрел...

Отисоците од прсти на ињекцијата која е пронајдена под креветот на покојниот Мајкл Џексон би можеле да послужат како доказ во корист на доктор Конрад Мареј, односно како доказ дека Џексон извршил самоубиство.

Адвокатите на доктор Мареј се уверени дека поп иконата сама си ја предизвикала смртта, па инсистират на тврдењето дека нивниот клиент не ја ни допрел ињекцијата.

Мареј порано призна дека на Мајкл му дал коктел од лекови, но ништо што би можело да го убие. Одбраната во тужбата која ја подигна Џо Џексон за смртта, ќе се темели на тврдењето дека Мајкл самиот си ја ставил кобната доза. Двете страни се согласуваат дека ињекцијата најдена под креветот би можела да биде клучниот доказ.