Година дена советување за семејно насилство...

Откако се спогодил на суд, изречена е казна за Мел Гибсон, година дена мора да посетува советувалиште за семејно насилство. Гибсон не ги одбил тужбите за насилство кои против него ги покрена Оксана Григориева, туку се спогодил и избегнал класично судење и евентуална затворска казна. Во рамките на договорот со тужителите, Мел оди на психолошко советување.

Спогодбата исто така подразбира дека Мел нема да се заканува и да злоставува никого вмешан во случајот и ќе одработи 16 часа јавна работа со организацијата Mending Kids International. Адвокатите на Оксана изјавиле дека таа моментално се сконцентрира на мајчинската улога, хуманитарните задачи и се труди да продолжи со својот живот. Мел и Оксана имаат 17-месечна ќерка Луција за која моментално водат битка за старателство над детето.