Ги тужи Ворнер Брос и сака 100 милиони долари...

Чарли Шин поднел тужба против Ворнер Брос и Чак Лоре, и не бара само плата за осум епизоди на "Два и пол мажи", туку ја тужи продукцијата и бара оштета од 100 милиони долари плус надомест за судските трошоци.

Правниот питбул Марти Сингер кој го застапува на контроверзниот глумец, измеѓу останатото, додал: "Чак Лоре, еден од најбогатите луѓе во телевизиската индустрија, кој има стотици милиони долари, верува да е толку богат и моќен да може еднострано да одлучува и да ги одзема парите на преданите соработници на популарната серија `Два и пол мажи` како би ги прилагодил неговото его и себичните интереси, т.е. да може звездата на серијата да ја претвори во своја жртва."

Сингер наведува дека отказот што го добил Шин од споменатата серија, во која заработувал милион долари по епизода, е базиран на егоистичната желба да го казни Чарли Шин.