Работниците од местото во кое пораснала Кејт Мидлетон во Беркшир, југоисточна Англија, се поканети на нејзината венчавка на 29 април...

Чан и Хаш Шингадија, брачен пар со индиско потекло кои држеле пордавница за прехрамбени продукти, минатата недела добила покана за венчавката на Кејт Мидлетон и принцот Вилијам напишана со златно мастило.

„Жената го праша Мидлетон (таткото на Кејт кој живее таму) дали може да дојде во сарија на венчавката“, рече Шингадија во разговор за Mail on Sunday. „Сакаше да носи традиционална индиска носија и тој и одговори дека тоа е совршен избор.“

Младиот кралски пар често навраќа во таа продавница и брачниот пар Шингадија се грижи секогаш на полиците да имаат бонбони Haribo кои Кејт и Вилијам ги јаделе со задоволство и сладолед од мента кој Вилијам го обожавал.

Покана добил и поштарот Рајан Нејлор, како и месарот Мартин Фидлер и неговата жена, но и сопствениците на бар кој се наоѓал во близината, во кој свршениците понекогаш оделе на пијалок или на вечера.

Продавачите во Баклбери, место со 2000 жители, за Кејт и Вилијам велат дека се едноставни и отворени. Венчавката на која ќе бидат поканети речиси 1900 гости ќе се одржи во Опатијата Вестминистер.